ဘ၀မှာ
ဘာဖြစ်လာမယ်ဆိုတာ ကြိုတင်သိမထာတာ
မသိနိုင်တာကိုက ပိုပြီးတော့
စိတ်ဝင်စားစရာ ကောင်းတယ်
ပိုပြီးတော့လည်း နိုးကြားမှုရှိတယ်...
လူ့ဘ၀မှာ စွန့်စားရတာနဲ့
အခက်ခဲတွေကို ကျော်လွှားရတာ
နဲနဲရှိမှ ကောင်းတယ် ...
သို့မဟုတ်ရင် ဘ၀ဟာ
ပျင်းစရာကောင်းနေလိမ့်မယ် ...
ဘာပဲဖြစ်ခဲ့ဖြစ်ခဲ့
ဘယ်သူကြောင့်ပဲဖြစ်ဖြစ်
အတိတ်က ဖြစ်ခဲ့တာတွေထဲမှာ
ထောင်ကျ မနေဖို့ပဲလိုတယ် ....
ခရီးရောက်ချင်ရင် ရပ်မနေဖို့ပဲ အရေးကြီးပါတယ် ...
နှေးတာက အရေးမကြီးပါဘူး ....
ဘ၀ကို ရှင်းရှင်းလင်းလင်း
နေသွားချင်တယ်ဆိုရင် ..
သတိလေးနဲ့ နေလိုက်ပါ ..
ဘ၀ဟာ ရှင်းလာပါလိမ့်မယ်။
စိတ်ရှင်းရင် ဘ၀ရှင်းတယ် ..
စိတ်ရိုးရင် ဘ၀ရိုးတယ် ..
စိတ်ရှုပ်ရင် ဘ၀လည်းရှုပ်လာမယ်..
စိတ်ဆန်းပြားရင် ..
ဘ၀လည်း ဆန်းပြားလာမယ် ။
ဘ၀ရဲ့ အရည်အသွေး
မြင့်မားစေချင်ရင်၊
စိတ်ရဲက အရည်အသွေးကို
မြင့်မားအောင် ကြိုးစားမှဖြစ်မယ် ...
ဘ၀ရဲ့ အဆင့်အတန်းကို
စိတ်ရဲ့ အဆင့်အတန်းနဲ့ပဲ
တိုင်းတာသင့်တယ်။
ကိုယ့်ကို အများဆုံး
စိတ်ဆင်းရဲအောင် လုပ်တာဟာ
သူများမဟုတ်ပါဘူး ...
ကိုယ့်စိတ်ပါ။
ကိုယ့်အတွေးပါ.
ကိုယ့်သဘောထားမှားနေလို့ပါ။
ဘ၀ကို
နောက်ဆုံးမချိန်ထိ
အဓိပ္ပါယ်ရှိရှိ ဘယ်လိုနေရမယ်ဆိုတာ
သိဖို့လိုတယ် ...အဲဒီလို မသိရင်
ကြာလေ အသုံးမကျလေ ဖြစ်လာတတ်တယ်။
လောကကြီးမှာ
အေးအေးချမ်းချမ်း တည်တည်ငြိမ်ငြိမ်
ရင့်ရင့်ကျက်ကျက် နေသွားတဲ့လူတွေ လိုတယ်...
ဘ၀ကို ဒီလိုနေပါလို့ နေပြသွားတဲ့လူတွေလိုတယ်။
ကိုယ်ဘာကို ခံစားနေရသလဲ
ကိုယ့်အကြိုက်ဟာ ဘာလဲဆိုတာ
သိချင်ရင် တစ်ယောက်တည်း
အချိန်ယူပြီးတော့
ကိုယ့စိတ်ကို ကိုယ်
သေသေချာချာ စမ်းစစ်ကြည့်ရမယ် ။
အိုးအိမ်မရှိတဲ့သူဟာ
ယောက်လည်လည်
ခြေသလုံးအိမ်တိုင်ဖြစ်နေတယ် ...
ဂုဏ်သိက္ခာမဲ့နေတယ်...
သတိမရှတဲ့စိတ်ကလည်း ထို့အတူပဲ
ဟိုရောက်ဒီရောက်နဲ့ ဂုဏ်သိက္ခာ မရှိဘူး။
လူတွေကို မယုံတဲ့သူ
လူတွေကို သည်းမခံနိုင်တဲ့သူ
လူတွေအကြောင်း မကောင်းပြောတတ်သူဟာ
အဖေါ်မဲ့တတ်တယ်။
လောကကြီးဟာ
ကိုယ့်တစ်ယောက်ထဲအတွက်
စိတ်တိုင်းကျ ဖန်တီးထားတာ မဟုတ်ဘူး...
မကျေမနပ်ဖြစ်နေတဲ့
စိတ်ဟာ မလွတ်လပ်ဘူး
ထောင်ကျနေတယ်....
ပတ်ဝန်းကျင်နဲ့ ကိုယ်နဲ့
အပေးအယူ ရှိနေတယ် ...
များများပေးနိုင်ရင်
များများပြန်ရတယ် ...
Sunday, March 23, 2008
Subscribe to:
Post Comments (Atom)
No comments:
Post a Comment